يه‌كه‌م ژوان / لوقمان له‌ك
……………….
لەبەردەم یەكەم
كووچەی ژواندا
تاس بردمیەوە
دەست لەناو دەست بووین
هەنگاومان دەنا
بەرەو ئاواتێك
كە نایەتەوە
پرووشەی باران
نم نم ئەتكا بەسەر شان و مل
تەزووی ساردی ئەو
ون ئەبوو لە ناو
گڕی ئەو ئەشقەی
كە هێشتا ڕۆژگار
نەیكوژاندبۆوە
ئاخۆ ئیستاكە تۆ بیرت ماوە ؟!
يا هه‌رهه‌موويت
له‌بيرچۆته‌وه !!!!!
بيرته هه‌ركاتێ
ويستبام بدوێم
ده‌جار ئه‌توت گيان
پێش ئه‌وه‌ى هێشتا ده‌م بكه‌مه‌وه ؟!
يا ئاگادارى ؟!
يادى ئه‌و ئه‌شقه
دڵم داخ ئەکا
ڕامئه‌چڵه‌كێنێ له نيوه‌شه‌وا ؟!
…………………………….٢٠٢٠/٦/١٠