عبير طلعت
عايزين ايه … ثايرين ليه؟!!
شربتوا مجاري وكلتوا زبالة
ناكرين فضلي ياشعب حُثالة
عايزين عيش؟!! كلوا بعض
كرامة وعدل عضوا الأرض
عايزين تبقوا بني آدمين؟!!
شفت يازيزو الطماعين
زيزو::
نام واتغطى وسيبك منهم
حبيبك بكرا في ثانية يجيبهم
ويأدبهم ويعلمهم طاعة سيدهم
ده وريثك هو الا كايدهم
خليهم يتسلوا سيبهم!!
الشعب::
شفت شباب التحرير؟!!
اتسلوا عليك ياكبير
ونايموك في سرير
يلا ادارى في البطاطين
هتروح من ربنا فين؟؟
دي ذنوبك مالوا العين
تتحاكى في الاساطير
زعلان من مين معاليك؟
دول تربية ايديك
شربتهم مجاري
طفحوا عليك!!
