هۆنراوەیەك بۆ پەنابەری ئەگەڕێ
————————–
شـــــیعر/شینوار ئیبراهیم
وەرگێڕان/لوقمان مەنسوور
————————–
هۆنراوەکانیان
لەودیو شوراکانی دۆزەخەوە
بەند کرد
پێنووسەکەیان
لە گۆڕەپانی مەرگ
لە سێدارە دا
بە ماندوویی
بە دوای پاسەپۆرتێك
بۆ وشەکانی ئەگەڕا
هەموو شتێکی فرۆشت
تەنانەت چەرپایە دارینەکەی منداڵیشی
هۆنراوەکانی نەیاندەزانی
لە زەریاکاندا
مەلە بکەن
نازانن لە قەپی
ماسیە قرشەکان
هەڵبێن
ئایا بەلەمێکی کۆن
ئەتوانێ ژێیەکانی
مەرەکەبی پێنووسەکەی ڕزگار بکات؟!
بەلەمەکەی نقوم بوو
شاعیر مرد
شەپۆلەکانی دەریا
وشەی هۆنراوەکانی هەڵگرت
کەمانجە لەسەر ئاو
ئاوازی ژیانی ئەژەنی
بۆ سروودی کۆچی هۆنراوەیەك
بە دوای پەنابەری ئەگەڕا
……………………..
