ستار ئه‌حمه‌د
خودایه به‌سۆز به‌رێمخه
كه‌ی ئاگر لای تۆ سزایه
به‌خشنده‌ییت دیاری مه‌رگمه
چوون شنه‌ی با له‌هه‌ورایه
………………………
منی خه‌ڵقه‌نده‌ی ده‌ستی تۆ
باڵێك نییه بۆ فڕینم
له‌دانه‌ی بارانێك وێڵا
پیرۆزی و سۆزت ده‌بینم
…………………..
له‌گه‌ڵ ترپه‌ی جه‌رگی زه‌مین
سه‌مای رۆح ده‌مخاته له‌رزه
خودایه ده‌ست كورتی لای تۆم
ناگه‌م به‌و ئاسمانه به‌رزه
……………………….
له‌تاسه‌ی خۆما خنكاوم
رێی كۆتاییم به‌ره‌و تۆیه
جه‌سته له‌گڕا دامركێ
كه‌ی هه‌توانی ژیله‌مۆیه
…………………
چاره‌نووسم به‌تۆ به‌خشی
ده‌فه‌رموو رۆحم ده‌ربێنه
ئه‌م میلله‌ته بێتاوانه‌و
گیانی سووتاوم بدوێنه
