يمكن

عصام سامي ناجي

1 – عمال بتنادى
ولا حدش سامعك
وبينزل ع الوطن المجروح دمعك
راح تشكى لمن همك
والجرح بيتوجه يمك
وبيصدم في القلب بقوة
لساك بتدور في دراعك
علي أى مروه
علشان تتصدا لغزو الجرزان
أبعت للناس العنوان
يمكن تلقي في يوم أنسان
بيساندك ويمد الأيد
وبيرفض الضلمة تزيد
وتسيطر كل الخفافيش
والكرة يكبر ويعيش

2- أحزانك موال متلحن
علي أيد أفضل موسيقار
وحبيبتك عينها في الجنة
والعين التانية في النار
بتحاول ما تبيعشي
وبتقاوم في الزمن السادي
والمخرج عمال بينادي
…… أنزل يا ستار

3- أحيانا بتحب الدنيا
والدنيا أساساً
مش محبوبة
هتخونك وتعرى ملامحك
وهتطلب منها تتنازل
حبة وتسامحك
وهتصبح زي الألعوبة