الى صديقي الشاعر الراحل المناضل علي الشباني
عاش بريئا ، ومات بريئا ، لأن البريء شاعر
- إعلان -
الشاعر سعد الشيفي
يا وجه الصبح .. والسهر .. والصفنات
والغبشه التكعد الناس
ودروب ( الديوانيه ) ونهرها والمواوويل
يا حزن السنين
النايم أبكل عين من عيون أهلنا
يا ضحكة طفل غافي أبضوه معرسات
يا لشايل محبتك تفتر أعله الناس
غص بيك الفرح مرات
( علي ) …
يا دمعة حزن تعبان بيها الليل
ما كعد مشط غافي أبشعر حلوات
ولا جاور وخاوه الذيب
ولا غش أبسلامه ونام عالظيم
هايم طول عمره أيغني عالأسرار
راد أيفك لغزهن
لكه حتى اللغز أسرار
سافر والدموع أسرار
سافر والحنين أسرار
سافر والفرح منه أخذ شتلات للطيبين
ما ميت حنينك يا ( علي )
غافي أبسواد العين
ظل صافي حنينك يا ( علي )
لتراب المحبين
—————-
