عه‌دنان رێكانی
كه‌نگی دێ هه‌می
سیمایێن ئه‌ڤینه‌كا دژوار
دێ هێنه له‌غاڤكرن ..؟
كه‌نگێ دێ گیانێ
خه‌ویێ هنگافتی دناڤ
هه‌لكه هه‌لكا بێهنا ته‌یا
ڤارێبویی دا هه‌مبێز كه‌م ..؟
هزار و ئێك ژان ب هه‌ڤرا
ده‌ربازبوون ..
هێش ئه‌زێ تژی ڤالاهیا ته‌مه .!
دێ بێژه من كه‌نگی و چه‌وا ؟
ڤان دیوارێن خوار
به‌ری بكه‌ڤه‌ن و ب هه‌ڕفن ،
دێ چه‌وا هێن نویژه‌نكرن ..؟
و هێشتا ئه‌زێ د چركه‌یا
پارچه پارچه بوونێ دا د هه‌لوه‌رم
كا هه‌مبێزا نیڤا شه‌ڤێ ؟
و چیرۆك و خه‌ونێن مه‌یێن
وه‌ك بهاره‌كا شه‌مبۆز و نه‌ناڵ كری
ڕێ و ڕێبار لێ به‌رزه‌بوون ،
ئه‌ز وه‌ك بلنده‌كێ تێهنی
پشتی وێ دربا به‌رزه‌بوونێ
ل سنورێن جوانیا ته شه‌پرزه بووم ،
ئه‌ز ژانه‌كا كویڤی مه ..
و تۆ خوه‌شیه‌كا سه‌ربه‌ردایی ،
ئه‌ز گونه‌هكا بێ دووماهی مه
و تۆ گوله‌كا نه‌ئاڤدایی .