جربت اعيش الفرح

” جربت أعيش الفرح ”
أحلام الزيدي / من العراق
وياك …
يحله الغنه
وعليك …
يسوه الونْ !
باقي …
على امحبتك
وسنينك اليضونْ !
يالضيعت صحبتك
عگبك …
أعيش المنْ ؟!
كل لحظة
من العمر
لعيونك إيحننْ !
لايگ …
عليك الحزن
ودموع ما يگضن !
وما يهمني
كثر البچي
لو يعمَنْ ويرحَنْ !!
مستاحش …
أمسه الگلب
بلياك ما امَنْ !
وآ من ليالي.
البعد …
حكمَنْ وما نصفَنْ !
وشلات …
من الوكت
ظلٌنْ وما يسوَنْ !
ويوگف …
قطار العمر
شما طالنْ
او گصرَنْ !
وأشكيلك …
إمن اللسِن
بغيابك إستگوَنْ !
شَرعَنْ …
سيف الگطع
كسرَن …
وما جبرَنْ !
الچنت …
أضمهم ذهب
ليامي …
من يگصنْ !
يا حيف …
لمعة صفر
ودنان مو تمنْ !
جربت …
أعيش الفرح
بعدك …
وما أحزَنْ
ثاري الفرح
مو صدگ
حزن الصدگ
أحسنْ !!!
………………………..
بغداد – 23 / 10 / 2021