خەیری هەژار
- إعلان -
بابێ ئاده‌م
ته چ خولی وهه‌ش
ب مه وه‌رکر
ئه‌و ڕۆژا ته
ئه‌م ڕاداینه سه‌ر
دنیایێ
ما تو د بحه‌شتێ دا
نه‌بوی
تێر وته‌نا بخو و ڤه‌خو
ما هه‌وجه‌بو
به‌رێ مه ب ده‌یه
به‌ڵایێ
ته سێڤ خار و
ئه‌م هه‌می
کرینه قوربان
بوینه ملیونه‌ها ڕه‌نگ و
ب سه‌دان هزار
عێل و عوربان
که‌تینه به‌ر
حنگ و چه‌کوچکێ
ته‌عدایێ
ژینا مه یا
که‌تیه دده‌ستێت
فه‌لیتادا
ئه‌م کرینه
هژمارێت بێ
سه‌نگ و قیمه‌ت
دناف خه‌تێت پلیتادا
ب دارێ زۆڕێ
یێ دبێژنه مه
وه‌رنه ڕایێ
دین و ئیمان
ل به‌ر مه ڕه‌ش بون
ژبه‌ر ڤێ
خوڤه‌ژینا نه‌گریس
ده‌ڤ وهناڤێت
مه به‌ش بون
بۆ ڕاستی یێ
نه‌مان وه‌ریس
خو پێ قورتالکه‌ین
ژ خه‌لایێ
نوزا ته هاژ
کوردا هه‌یه
چه‌وا یابو
یێ دبوینه
قابیل وهابیل
ئێک و دو ب جاره‌کێ
نه‌ڤێت
دورو شوپێت
مه ژی هه‌می
هه‌روه‌کی ته‌یرێت
ئه‌بابیل
یێ مه سحار وئێڤارا
د ڕه‌جمینن
که‌سه‌ک دهه‌وارا
مه نایێ
ره‌ش و ڕیتێت
مه بارکرن
حزبا ئه‌و هه‌ستا
گه‌ش و ڕون
یا نه‌ته‌وی
دهناڤێت واندا
سارکرن
کوچکرن به‌ره‌ف
په‌نایێ
وه‌خته یابو
ئه‌م دێ بێژین
خوزی ئه‌م ئه‌ف
توخمه نه‌باین
ڕۆژا خودێ
خولیاقه‌ت داین
ڕۆژا نفش و
زوڕیه‌ت که‌تین
ژ ڕه‌حما
دایێ
هه‌می خه‌لک وعاله‌م
بۆ خۆ
بۆنه مروڤ
ئه‌م تنێ ماین
بێ سه‌روه‌ری و
سه‌نگ و گروڤ
نه د مشه‌خت و
نه دنیشته‌جێ
ژبه‌ر که‌رب و
کینا ئه‌م تێدا
وه‌کی سه‌رێ
ل بن قه‌رقه‌شه و
واوه‌یلایێ
خولیسه‌ریا
مه درێژ بو
سه‌رو دل و
هناڤێت مه
پڕ قڕێژ بو
نه‌یا ب مه‌یه
ئه‌ڤه کارێ
حزبێت مه‌یه
ئینتیمائا مه
بو واری
یا ل بن چه‌پوکێ
میزاجی و
به‌ڕه‌ڵایێ
یابو ئاده‌م
هه‌روه‌کی ته
نه‌فره‌ت و نه‌عله‌ت
ل مه کرین
ئه‌م ب کێر خۆ
نائێین تا دمرین
چ قه‌ده‌ره
هۆ ل مه کری
چ هۆشه‌کێ
که‌ڤشته‌یه
مه بڕێڤه دبه‌ت
کو عاله‌م بۆ خو
ب مه ب که‌نن
بێژنه نه‌ته‌وا مه هه‌یلا
تو نه‌مایێ
شه‌رق و غه‌ربێت
مه ئاگرن
ژبه‌ر مه
گیانی ناگرن
نوزا ئه‌و
بۆمه به‌ڵانه
یان ئه‌م به‌ڵا
سه‌رێ وانین
هه‌تا دنیا
ب داوی دئێتن
حالێ مه و وان
دێ ئه‌ڤه بیت
نه ئه‌و خوشیێ
بۆخو دبینن
نه ئه‌م دبینه
مال و مه‌زه‌ل
تا فه‌نایێ
تا فه‌نایێ
