ئۆردوگان دوعایەك ناكات ئەورپا بڵێ ئامین
- إعلان -
دلزار محمد وەیسی
یەكێتی ئەورپا نیگەرانە بەو بڕیارەی توركیا سەبارەت بە گۆرینی ئایە سۆفی یە لە مۆزەخانەوە بۆ مزگەوت.
ئەم گۆڕینە قسەو باس و مشت ومری زۆری لێكەوتۆتەوە
بەتایبەتی لەم سات و كاتەدا كە ھەموو جیھان سەرقاڵە بۆ دۆزینەوەی ڕێگاچارەیەك یان ڤاكسینێك دژ بە پەتای كۆرۆنا.
توركیا لە قەیرانی پەتای كۆرۆنەدا پشكی شێری بەركەوتووە چونكە لای ھەموو مان ئاشكرایە كە توركیا پشت بەو سامانە دەبەستێ كە داھاتەكەی لەڕێگەی كەرتی گەشت و گوزارو سەردانی گەشتیارەكانی دەستی دەكەوێت.
ئەم كەرتە نەك تەنھا ئابووریەكی بەھێزە بۆ دەسەڵات بەڵكو داھاتێكی بەردەوامە بۆ بژێوی ژیانی زۆرینەی ھاووڵاتیان لە توركیا.
لەم ساتە وەختەو لەم دۆخە ترسناكەدا
نە سیاسەتی توركیا لە پلانەكانی وەستاوە
نە ئۆردوگانیش لە بڕیارە بوێرەكانی كەوتووە.
یەكێتی ئەوروپا لە رێگەی وەزیری دەرەوەی توركیا داوای لە حكومەتی ڕەجەب تەیب كردووە كە بە بریارەكەیان دابچنەوە
چونكە ئەم بریارە كەلێن و كێشە دەخاتە ناو پێكھاتەئاینیەكان و لە ئایندەدا ناڕەزایی زۆری لێ دەكەوێتەوە.
ئەگەر چاوێك بە مێژوودا بخشێنینەوە و لاپەرەكانی ھەڵدەینەوە
ھەموومان كەم یا زۆر دەزانین كە ئەستەنبول ناوی ڕاستەقینەكەی قوستەنتینیە و پایتەختی بیزەنتینەكان بووە.
لە ساڵی ١٤٥٣ زاینی دا بۆ حەوت ھەفتە ئەم شارە ئابلوقە دراوە لەلایەن لەشكری عوسمانی بە ڕابەرایەتی سولتان محمدی دوو دوای توانیتیان دەستی بەسەرا بگرن و داگیری بكەن.
مۆزەخانەی ئایە سۆفیە شایەدحاڵێكی زیندووە و كە لە چەقی ئەم شارەدا تائێستا بە پێوە ماوەو لەناو ئەم ھەموو مینارەو قوبانەوە بانگەواز دەكات و دەڵێ من لێرەم و تا ئێستاش بەپێوەم و نەمردم.
ئۆردوگان چی دەكات !!!!
ئۆردوگان بەم پەیامە ئەیەوێ چ بدات بە گوێچكەی ئەوڕوپا دا !!!!!!!!!
توركیا بە گۆرینی ئایە سۆفیە بۆ مزگەوت
دەیەوێ شوێن پەنجەو شوێنەواری خاچ ومەسیح زیندەبەچاڵ بكات و داگیركردنی قوستەنتینیە وگۆڕینی ناوەكەی تا ھەتایە بن بڕ بكات.
توركیا دەیەوێ مۆركی عوسمانی و تاپۆی ڕەش تا ھەتایە لە ئەستەنبول بدات
بەمەش مسۆگەركردن و دڵنیایی ووڵاتە بۆ زامن كردنی داھاتووی نەوەكانی لەدواڕۆژدا.
سەركردەكانی تورك بەوپەری دڵنیابوون بەو پەری موتمانەوە بوێرانە ئەم بریارە دەردەكەن بێ بایەخدان بەوەی ئەم ووڵاتە ڕووبەروی چ گرژیەك و بەركەوتەیەك دەبێتەوە.
ئەمە زامن كردن و مسۆگەركردنی
شوێنەوارو سامانی ووڵاتە
بێ بایەخدان بە دەوروبەر
بێ گرنگیدان بە ناڕەزاییەكان
گڕنگ نیشتیمانە
مسۆگەركردنی ئاسوودەیە
بۆ ڕۆڵەی داھاتوو بۆ نەوەی دواڕۆژ.
بریا سەد بریا سەركردەو بەرپرسەكانی ئێمەش تۆزێ زۆر نا وانەی نیشتیمان پەروەری و خۆشەویستی بۆ خاك و نیشتیمان لە بەرپرسە توركەكان و نەوەی عوسمانیەكان فێربوونایە.
پتر لە ٢٠ ساڵە مادەی ١٤٠ وەك بنێشت لەدەمی بەرپرسەكانمان دەجوێتەوەو دەجوێتەوە.
دڵنیام نیوەی ھاووڵاتی كورد ناوەڕۆكی ئەم بڕگەیە نازانێ و چی دەگرێتەوە !!!!!
بەڕاستی دەستخۆشی لە توركیا دەكەم
بۆ ئەو بوێری یەی كە ھەیەتی
گرنگ ئەوەیە بۆ بەرژەوەندی ووڵات ئەجەنگن بۆ ڕۆڵەی داھاتوو كۆشش دەكەن و تێدەكۆشن.
ھەر بۆیەش ھەموو سەركردەكانی توركیا بەچاوی ئێمە شۆڤینی یە
بەڵام بە چاوی ھاوڵاتی خۆیان نیشتیمانپەروەرو دڵسۆزی خاك و ووڵاتن.
