خەیری هەژار
جڤاکێ مە چین و تاخە
یێ پڕ دلوڤان و ساخە
تنێ بو هەستێ نەتەوی
یێ کێم فەرسەت و بێ زاخە
ـــــــــــــــــــــــــــــــــــــــــــ
فرە حزبی بکێر مە نائێت
هندی گوگوش خان و جانێت
قیبلەگاهێت حزبێت مەبن
لناڤبەرا دێ بیت و نابێت
ـــــــــــــــــــــــــــــــــــــــــــ
زانینێ فایدە ژمە نەکر
مەژیێ مە بو ئێک تشت ڤەکر
تەشقەلا ل ئێک و دو بکەین
داوی تشت فورمات بو و هەکر
ــــــــــــــــــــــــــــــــــــــــــــــــ
نە ئاسویی و نە شاقولی
ئەم نەشیاین هزرێن دو قولی
ژناڤببەین و تێک بشکێنین
ژبەر تێگەها قەرەقولی
ـــــــــــــــــــــــــــــــــــــــــــــــــ
کەتوارێ مە یێ وار کەتی
هزرەک نینە یا بەرکەتی
کودەتایەکێ لێ راکەت
یا ژ مەژی و جانان دەرکەتی
ــــــــــــــــــــــــــــــــــــــــــــــــ
لفکا سەرێ مە باهوزێ
یا بری و هاڤێتیە توزێ
رابینا مە بسەد ساڵانە
بەسوس یا کەتیە ناف کوزێ
ـــــــــــــــــــــــــــــــــــــــــــــــــ
بێدەرا مە یا سلە ژبای
دوزا مە گەهشتە پاپای
کەسێ بو کوردا چ نەکر
خوزی کوردو یێ هو نەبای
ــــــــــــــــــــــــــــــــــــــــــــــــــــ
پەیڤەکا نهێنی هەبو
عەبدلا پێ دکرنە عەبو
ڤێ جارێ ژی ژبێ وژدانی
پەرسیڤێ مە کرنە رەبو
ــــــــــــــــــــــــــــــــــــــــــــــــــــ
وەریسێ حزبان یێ پوتە
ئێک خو ددانیت کانت ئێک غوتە
مللەت ژی دانە بەر شەقان
ب کێرڤێ ئێک بو من ئێک بوتە
ـــــــــــــــــــــــــــــــــــــــــــــــــــ
سیاسی واتە بازرگان
خودان سیک و باج و ئورگان
نەتەوە لنک وان ریکلامە و
خەملدارترین سلوگان
