يا هلوطــــــــن ..

حسن هادي الشمري
يا هلوطــــــــن ..
اشكثـــر بيك جروح
تنزف
والحزن أســـــــــــــــود
كَضى إسنينه علينا الموت
بإيده السيف يتهـــــــدد
مثل ذيب البراري
الأمـــعط الأجــــــــــرد
إشكَد رادت تردّه الزلم
بصدور المنايا
وكح ما يـنـــّـــــــــرد
يا دمعات ..
أمي اليبسّاها الضيم
ويّ الكحل فوكَ الخد
ويا حزن الضفاير
نام عالـچرغــــّـــــــد
ويا رمش الكحيله
الراح منّه الفرح غفله
وزاعل المـــــــروّد
ويا برنّو أبوي
المات بيه الفشكّ
بالشاجور من إسنين
ما تنعّــــــــــــد
ويا حصانه البرّاق
اليجمّح ويََّ الريح
مخنوكَ بصهيلّه
بسلسله إمحـــــدد
ويا بستان أهلنا
اليبسّه جويريد
ما ورد
ويا بلبل نخلنا السكّت
من الخوف ما غــــــرد
ويا باب الإجانه الريح منّه
وجايب الطاعون
ما ينسّد
ويا خبز اليتامى
إنباكَ منّا بليل وتفرهّـــد
عبر لينا الغريب
وداس فوكَ الحّــــد
ولبسنّا العار
حد إچـتافنا وأزود
يمتّه إتفّز زلازل
ترعد ويّ الغيم
يا محـمد
تصد طوفانهم
وتصير مثل السّـــد

نبذة عن الكاتب

مقالات ذات صله

الرد