سهو :

عبدالامير الركابي
سهو :
خلي عليك السهو مرمى العين
تسهى وتذكر
والمطر لو مطّر
تتذكر النكطة
وتحسب الناس ماشافوا
المطر بلل خواصير السهو
وماكصّر
يالماإلك
صوبين
يالصوبك قهر
والسهو منك بالشكابين
تسهو واكلك ليش
ذوله احنا
يم النفس
تحت دكات الكلب
وملاوح العين
يالمالك صفاح ولاجهات
وكل كتر منك سنين
النطره بيك بلا وكت
لاساعة ساعة
ولاوين
تسهى واصيرن وسط سهواتك
سهو
بلكي السهو اسمك
واني صرت بلا اسم
واسمي واسمك
اسم مو اسمين

نبذة عن الكاتب

مقالات ذات صله

الرد