نيولوك

عصام سامي ناجي
نيولوك
 
صباح الخير
علي الحلم إللي
رافض في يوم يتحقق
علي القلب إللي
بات مكسور
صباح أبيض و جايب
معاه النور
صباح نادي
بيتحدا ف جلادكم وجلادي
بيتحدا الأسي والزور
*
صباح جاي بشكل جديد
عامل كده ( نيولوك )
و مركب كمان عدسات
بيشيل من قلوبنا حاجات
وبيخضر في الليالي البور
*
صباح بيسن أسنانه
بيمحي كل ليل خانه
وبيساعد قلوبنا الصابرة
صباح شكله جميل جدا
في عز اليأس جاي يدن
وعالي كمان في الصوت
وفي النبرة
 
شعر عصام سامي ناجي

نبذة عن الكاتب

مقالات ذات صله

الرد