ارتباك

عصام سامي ناجي
ارتباك
 
حاولت تزرع الشهامة
كنت وسط الناس علامة
ضحيت بنفسك علشان نفوق
ونبدل العتمة بشروق
**
كنت فارس جه
في وقت أكيد غلط
و إترميت بالحجارة والزلط
لما قولت في يوم بلادي
وهجمت في الفكر الأحادي
**
كل العيون عماله
تنزف م الألم
والقلوب مليانه حسرة
أتباعنا ياما للسماسرة
كل كهان المعابد
تاجروا فينا
والناس في حالة إرتباك
مستنين فارس ملاك
يجي طبعا من هناك
يجي من “أقصى المدينة “
يروى الشوارع الحزينة
يزرع الأرض العقيمة
يزيل آفات الهزيمة
 
شعر /عصام سامي ناجي

نبذة عن الكاتب

مقالات ذات صله

الرد