ولافيش جديد

عصام سامي ناجي
ولافيش جديد
 
الظلام عمال يلوث
في النفوس المؤمنة
والصدق مش موجود هنا
راح مكان تانى بعيد
الحقد دمر
كل أوتار النشيد
علشان نتوه وسط الدروب
علشان نحيد
نبنى أحلامنا الجميلة
للأسف فوق الجليد
***
أقفل طريق الشك
واجه جيوش الأفاكين
إرجم الليل الحزين
علم الأحلام د تثور
هد بإيديك كل الجحور
علشان أفاعى الكره
والأشباح تموت
أتحدا فلسفة السقوط
***
أفتح بيبان القلوب
خلي الأمانى تعيش
أكتب حروف الوطن
فوق الأفيش
ما تبيعشى نفسك
أرفع جبينك فوق
الضلمة مهما تفترى
بكره هيجى الضوء
***
الكلمة لسه ماتقلتش
الوقت أكيد مانتهاش
تمن الحقيقة بيندفع
من دمنا ياخلق كاش
علشان تشوف كل العيون
والحلم يرفض ينتهى يرفض يخون
 
***
 
لون ليالي الأسى
جايز في يوم نكتب
تاريخنا إللي إتنسى
جايز قوى أن أحنا
نيجي نسجله
وإن مال واقعنا نعدله
ونمد إيدنا نشيدوا
أوعاكوا يوم تتهددوا
مهما ارتفاع صوت الهدد
النصر مش كترة وعدد
شعر عصام سامي ناجي

نبذة عن الكاتب

مقالات ذات صله

الرد