تعا بكير وسكر بعدك الغياب ..

latifa_aldlimy

أفين أبراهيم

……………………………………………..

خاص بمعارج الفكر / الادب النسوي

……………………………………………….

تعا بكير وسكر بعدك الغياب.. 
في شتى غافي خايف يجرح الباب. .
علمقعد صبية بشعر أشقر طويل..
خطفت من على صدري الرمان ..
عملت من ضحكاتها كرسي لشب صغير..
باستو بعيونو ومسحت من على وشي كل العصافير ..
تعا بكير حبيبي ..
سكر بعدك الباب ..
في شتى غافي خايفه يجرح الغياب..
صوت الشجر مبحوح..
و خطوات المطر مرشوشه. .
شي شعر ..
شي وجع ..
شي دمعة بعيونك مكبوته. .
تعا بكير و اذا بدك بعدها فل. .
بس مرة ..
مرة وحدة تركلي وحدتي معك قبل ما تروح ..
السما صغيرة ..
صغيرة كتير حبيبي و الحمام بصدرك محتاج ..
محتااااج بيوت.
…………

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *