نەیناسیمەوە؟(بۆگۆرانی)

که مال رێناس

کەمال ڕێناس

نەیناسیمەوە!نەیناسیمەوە
کاتێ توشم بوو،لەناو قەیسەری
چونکە ڕوخسارم،جۆرێ گۆڕاوە
لەگەڵ بەشمەینەتی وکوێرەوەری
*** *** ***
ئەو پەیمانی ،نێوانمانی شکاند
ماڵی پێکهێنا،ڕێی خۆی گرتە بەر
منیش تا ئێستا تەنهام،ڕەبەنم
لە ژورێک دەژیم هەناو پڕ کەسەر
*** *** ***
نەیناسیمەوە؟زۆر بەخێرایی
گوزەری کرد ئە و یارە غەدارە
بڵێ هەست بە پەشیمانی بکات؟
بزانێ کەوا بەخۆی هۆکارە؟
*** *** ***
دوای هیجری سەروڕیشم بێ ئەوەی
ببن بەماش وبرنج سپی بوون
نەیناسیمەوە،چونکە لەپاش ئەو
لەلام گەردون وبوون(بوون)سەرنگوون
*** *** ***
لام سەیرە کەوا نامناسێتەوە
تادەمرم فیداو قوربانی ئەوم
سەرم سوڕماو!چۆن هەست پێ ناکات
زەحیەوکوشتەوقوربانی ئەوم؟
*** *** ***
نازانم بەڕاست نەیناسیمەوە
یاخود بەئەنقەست خۆی لێم نەناس کرد؟
بەو کردەوە چاوەڕوان نەکراوەی
ڕۆحی شۆک کرد،دڵمی کاس کرد
*** *** ***
پێم خۆش بوو کەوا نەیناسیمەوە
بانەزانێ بۆی حاڵ پەرێشانم
با ڕێی دواڕۆژی ئەو مێخەک ڕێژ بێ
منیش دەروێشی عەشقی جارانم

نبذة عن الكاتب

مقالات ذات صله

الرد