هونەری شانۆ و كولتوور

سەلاح شوكری ئاكرەیی

بێگومان یەكێك لە هونەرە هەرە گرنگەكان كەوا زۆر ئاسان نییە ئەویش ئەوەیە كەوا راستەوخۆوە لەسەر شانۆ بەرامبەر بینەر بتوانین نمایش بكەین كەوا زۆر بڕوا و متمانەی بە خۆی نەبێت و خاوەن كەسایەتییەكی زۆر ئازا و دلێر نەبێت ناتوانێت ئەم كارە بە تێر و تەسەڵی ئەنجام بدات، هەروەها دەبێت رۆشنبیریەكی چاكی هەبێت لە گۆڕەپانی ئەم هونەرە و مێژوویەكەی بزانێت ئەمانە گشتیان هۆكار و پاڵپشتی ئەم لقە هونەرییە گرنگەن لەناو دەریای پان و بەرینی هونەردا بە گشتی و ئەگەر بێت و لاپەڕەكانی مێژووی جیهانی و خۆیی هەڵبدەینەوە دەبینین كەوا كاریگەری زۆری لەسەر كولتووری مێژوویی میللەتان و خۆیی هەیە وەكو بڵێی دام و نەریت و هەڵسوكەوت و زمان و جل و بەرگ و كەلو پەلی ناوماڵ و دەرەوە و رایەخ و دەرگا و پەنجەرە و شێوازی خانووبەرە و… هتد هەمووی لەم هونەرە گرنگەدا نمایش كراوە و نیشانی خەڵكان دراوە كەوا رەسەنی هەر میللەتێك نیشان دەدات لەسەر شانۆ بۆ نموونە ئەگەر سەیری هونەری شانووی عەرەب بكەین بەتایبەت شانۆی میسری عەرەبی دەبینین كەوا دام و نەریب و ئەم شتانەی باسمان كردن زۆربەی زۆری لە شانۆیەكانیان نمایش كراون، هەروەها شانۆی ناوخۆی خۆمان ئێراق بە گشتی و كوردستان بەتایبەت دەبینین كولتووری ئێراقی ناوچەی باشوور جیاوازی هەیە لەگەڵ كولتووری كوردستان لێرەدا دەتوانین بڵێین كەوا شانۆ دەورێكی باڵای هەیە بۆ نیشاندانی كولتووری میللەتان لە گشت بوارەكانی ژیانی رۆشنبیری و كۆمەڵایەتی و رامیاری و جیاوازی بەینی چینەكانی كۆمەڵ و بەتایبەت لە لادێ كەوا زۆر بە زەقی ئەم جیاوازیە بە دی دەكرێت، هەروەها ژیان لە شارەكان لە زووەوە چەند جیاوازی هەبووە لەگەڵ ژیانی ئێستا هەر بۆیەش هونەری شانۆ جێگای تایبەتی خۆی هەیە سەبارەت بە كاریگەری لەسەر كولتوور و ئەگەر سەیری هونەرمەندانی گەورەی سینەماكان بكەین دەبینین كەوا لەسەرەتا لە شانۆ دەستیان پێ كردووە، ئینجا گەیشتوونە بە ئاستی پاڵەوانی جیهانی سینەماوە دەتوانم بڵێم شانۆ و قوتابخانەی بنچینەیی هونەریە، چونكە رۆشنبیری و چاو نەترسی لەوێوە دەست پێ دەكات،

هەروەها پلە پلە بە پێش دەكەوێت و شارەزایی پەیدا دەكات تاوەكو دەگات بە ئاستێكی بەرز و خاوەن ئەزموون لە بواری نمایشكردندا و ئەگەر سەیری كولتووری هونەری شانۆ بكەین دەبینین ئەم شتانەی باسمان كردن هەموویان كاریگەر و دیارن لە جیهانی شانۆ بۆیە زۆر زۆر گرنگی كەوا پاڵپشتی ئەم هونەرە بكرێت و هانی خەڵك بدرێت كەوا روو لە شانۆیەكان بكەن، چونكە تەكنەلۆژیا وا خەریكە لاوازی دەكات و دونیای كردووە بە شانۆیەكی زۆر بچووك.

نبذة عن الكاتب

مقالات ذات صله

الرد