كه‌رنه‌ڤاڵی ته‌نیایی

ستار احمد
كه‌رنه‌ڤاڵی ته‌نیایی
ئه‌مشه‌و خه‌واڵوو . .
گوڵێكم له‌یه‌خه‌ی ،
هه‌ناری حه‌وشه‌كه‌م كرده‌وه‌ .
له‌ده‌رگای ماڵه‌كه‌م هاتمه‌ده‌ر ..
رێگاكان به‌دواما جێده‌مان .
دڵم گۆشه‌یه‌ك له‌شارو
چاوانم چه‌ند چرای ماڵانی ،
به‌ئه‌شكم داگیرسان .
نه‌كاتی نوستنی باڵنده‌و
وێردی شه‌وچه‌ره‌ی شه‌وانبوو .
نه‌ته‌رمی خه‌ونێكم ..
وه‌كوو دیمه‌نی شاره‌كه‌م جوانبوو .
پرشنگ و گوڵاڵه‌ ..
ئاوێزان به‌شه‌نگیی هه‌ور ده‌بوون .
چاوه‌ڕوانی شه‌وێكی نوورانی و
ژوانی تۆیان ده‌پۆشی .
بمبه‌خشه‌ نه‌متوانی بگه‌مه‌ وێستگه‌یه‌ك ..
دارێك شین بكاو
بتوانی له‌پاڵیا ..
به‌كه‌سكی گه‌ڵایه‌ك ،
به‌هارێك له‌ناختا بڕوێنی .
ئه‌ستێره‌یه‌ك بكه‌یته‌ هاوده‌م و
بێیته‌وه‌ ئه‌و شوێنه‌ی ،
یه‌كه‌مجار نه‌خشه‌مان بۆدوا رۆژ كێشا .
تۆبوویته‌ سروودی هاوخه‌م و
من ده‌رگای ئومێدی هه‌نگاومان .
نه‌مزانی كووچه‌و شار بارده‌كه‌ن .
په‌پووله‌و به‌یبوونمان ده‌ژاكێ و
راوكه‌ران بولبولی خۆزگه‌مان تار ئه‌كه‌ن .
ئه‌وه‌تا هه‌موو سات ..
به‌رۆكی تاریكی ده‌گرم ،
هه‌ڵوێستم ده‌كه‌مه‌ رچه‌ڕێ .
نه‌به‌باڵای تۆدا راده‌گه‌م ..
نه‌تیشكێك ده‌بێته‌ نیگات ،
به‌ره‌و خۆی رامكێشێ .
ئه‌و ده‌مه‌ی له‌جه‌سته‌م بیزاربم ..
عه‌شقی تۆ ده‌بێته‌ شیله‌ی هه‌نگ ،
هه‌ڵاڵه‌ی هه‌ناوم ده‌مژن .
ده‌چمه‌ سه‌ر لوتكه‌ی له‌ناوچوون .
ده‌رژێمه‌ جۆگه‌له‌ی فه‌نابوون .
هێند ده‌گریم بۆعه‌شقی بێپه‌روا .
وه‌كوو زاهیدێك تێرنه‌بێت ،
له‌سۆزی پاكی خوا .
سووره‌تی جوودابوون ده‌خوێنم ..
كفنێك له‌په‌ڕه‌ی شیعری ئاڵ ،
له‌زامی ده‌روونم ده‌پێچم .
خه‌و ده‌بێته‌ مۆته‌كه‌و
گه‌رووی بێداریم توند ده‌گرێ .
ره‌هێڵه‌ی ئازارێك ..
ناخی برینم داده‌گرێ .
به‌ئاهی دڵه‌وه‌ كووچه‌كان ده‌پێووم ..
سه‌رگه‌ردان , په‌شۆكاو ،
رێ به‌ڕێ دێمه‌وه‌ .
نه‌ژووری ته‌نیاییم ..
به‌بوونم دڵشاده‌ ،
نه‌چرای ماڵه‌كه‌م خامۆشی راده‌گرێ .
باڵداری باخچه‌كه‌م هه‌ڵده‌فڕن .
بۆساتێك له‌ژانی ته‌نیاییم گوێ ناگرن .
تابه‌یان رایه‌خی هه‌ودابوون ده‌ژمێرم ..
نه‌تۆ له‌ئاوێنه‌ی ناخمدا ده‌سره‌وی ،
نه‌من له‌توانه‌وه‌ی خۆم ،
ده‌بمه‌ شیعرێكی به‌شكۆ.
هه‌موو شتێك له‌حه‌سره‌تا گڕده‌گرن .
سه‌رجه‌م جوانیه‌كان بۆ كۆچت ..
شوێن په‌نجه‌ی مه‌زاری ..
عه‌شقێ نوێ هه‌ڵده‌گرن .
بمبووره‌ نه‌هاتم هاوڕێكه‌م ..
بمبووره‌ بۆدواجار ناتبینم .
خاچێكم له‌دڵی زه‌مینا .
مه‌رگێكم له‌تابلۆی جه‌بینا .
من و خاك ئه‌سیری لێشاوی سنوورین.
من و خاك كۆرپه‌له‌ی بێنازی شه‌وانی ده‌یجوورین .
بڕۆ خوات له‌گه‌ڵ ..
سه‌فه‌رت سه‌لامه‌ت .
منیش لێره‌وه‌..
مێژووی ئه‌دگارو
ژانی خاك ده‌ژمێرم .
منیش لێره‌وه‌ ..
به‌جوانی سروشتا هه‌ڵده‌زنێم .
له‌زاری سووتان و
نێڵه‌ی گڕ ده‌ئاڵێم .
به‌تێڕامانه‌وه‌ش ده‌پرسم
ئه‌و هه‌موو تاڵییه‌ هی سێوێكه‌ .. ؟
ستار ئه‌حمه‌د

نبذة عن الكاتب

avatar

ولد الشاعر المرهف (ستار احمد) سنة 1962 في محافظة كركوك وانهى دراسته الاعدادية فيها، ثم قُبِلَ عام 1980 في كلية الهندسة ببغداد، وبعد اكماله لسنتين دراسيتين فيها وبسبب ظروف خاصة لم يستطع مواصلة الدراسة فتركها، نشر اول نتاج له عام 1987 في مجلة (بيان) وهو مستمرٌ منذ ذلك الحين في نشر نتاجاته الادبية وله ثمانية كتب مؤلفة باللغة الكوردية، منها: (ئاسو بريني هةتاوة _ الافق جرح للشمس/شعر)، (كوجباري كزنك ـ رحيل السَحَر/ رواية شعرية)، (نيشتمانيك لة هازةي ئاوـ وطن من هدير المياه/شعر)، (زريوةي ئةستيرة دةسرازةي زامة ـ تلألؤ النجوم، عُصابة الجرح/ شعر)، (سوزي شاعيرـ عاطفة الشاعر/ شعر غنائي)، (ئاوابووني جةستة لةسةفةري دلداـ غروب الجسد في رحلة القلب/ شعر). وديوان شعري باسم ديوان ستار احمد ....... داهمت موجة الترحيل العنيفة للنظام السابق قرارة شاعرنا الاصيل وقلعه عمداً حتى رسى بمركبه في مدينة السليمانية، فاستمر هناك يواكب مرَّ الحياة ويتجرع مرارة الفرقة وبعد الاحباب والخلان، مواكباً في الان ذاته مسيرته الادبية، الى ان توقف في محطة الصحافة وانخرط في متاعبها منذ عام 2000 فعمل في : (ريبازي ئازادي، هاولاتي، كةركوكي ئةمرو، بانةرؤز، روزنامةي هةوال) بعد السقوط المنجلي عاد بركابه الى مدينته الام كركوك وبدأ يشرع يراعه الادبي مرة اخرى، وهو الان احد اعضاء الهيأة الادارية لاتحاد كتاب كوردستان فرع كركوك.

مقالات ذات صله

الرد