الحصار وما يعنيه

latifa_aldlimy

سلامة الصالحي

الحصار وما يعنيه…لكل الذين كانوا يتمشون على نهر السين او في حديقة الهايدبارك او في طرق اسكندنافيا العجيبة او المنتجعين في شلالات نيغارا او المنتشين بنسمات شيراز واصفهان…الحصار
الحصار ..يعني تكعد الصبح سكر ميكفي …لو تشرب شايك مر لو نص حلا..والشاي من اسوء انواع الحثالات بالعالم…
خبزتك تهص بحصو او شي اخر…
حليب مضروب او ماكو
جبن معامل بالصابون…
الحذاء …تنشك وتصلحها الى ان بعد ماكو مكان تصلحهابي…
شامبو ماكو ..تضطر تصنع شامبو منزلي من سحق الصابون بمدري شنو
المراة العراقية تبيع جاي بساحات عمان…وتخدم بالبيوت …وتبيع بسطيات
المعلم ياخذ رشوة من الطلاب…
الطلاب جوعانيين…لفتهم صمونه سودة وشوية رشاد وهاي شفتها بعيني المعلم سواهن…بالاوأم الي كنا راكبين بيها…واستاذ الجامعة …محروم وعايز وجوعان ومريض …
سفر ماكو …ماكو طيران…
الدولار شيخ ويفتر كلها تنحني اله…
الفلوس طبع مالها كل قيمة غير انهيار اخلاقي وبكل الصعد
مستشفيات لا ادوية ولا اجهزة ولا نظافة
المي ملوث
كهرباء ماكو وضعيفة…
منظر رث….
حسد وحسرة….
انهيار صلة الرحم…
توحش الناس…
الحرام والفلوس الحرام تصير عادية جدا …
سرقة المال العام تصير من المحللات
بناء ماكو…
البيت تبيع شبابيكه وبيبانه…وتحط بطانيات…
البريمز والجولا….سيدات المطبخ…
البيذنجان الاكلة الدائمة في البيت…
تمشي بالشارع دايخ خايف ماكو تركيز حاير بخبزة باجر…
تتمرض ماتكدر تروح للطبيب…وماتكدر تشتري ادوية…
العيشة كفار….
اووووو…مصايب لاعد لها ولاحصر….
صدام وربعه …واجهو الحصار …
بفلوس الطبع…
البطاقة التموينية…
الزراعة حتى صحراء الشنافية زرعوهاشلب…
وعشنا ١٣ سنة….اكلنا خرا…..
وسبب سقوط النظام…الناس رادت تخلص من خلقته الزفرة والحصار والضيم…انعل امه وابوه منين ما اجه …الي يريد يرد العراق …للحصار …سفلة …ساقطين ….

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *